ጥንታዊው የሶደሬ ፈለገ ሰላም መድኃኔዓለም ቤተክርስቲያን ከሽመልስ አብዲሳ በተላከ ህገወጥ ቡድን ከፍተኛ ጉዳት ደረሰበት። (ኢትዮ 360-ሚያዚያ 11/2015)

በኢትዮጵያ ኦርቶዶክስ ተዋህዶ ቤተክርስቲያን ጥንታዊው የሶደሬ ፈለገ ሰላም መድኃኔዓለም ቤተክርስቲያን ከሽመልስ አብዲሳ በተላከ ህገወጥ ቡድን ከፍተኛ ጉዳት እንዲደርስበት መደረጉን የኢትዮ 360 ምንጮች ገለጹ። በተደጋጋሚ አበካባቢው ሲመላለሱ መታየታቸው የሚገለጸው ይሄው የወንጀለኛው ቡድን ስብስቦች ትላንት ምሽት ቤተክርስቲያኑን ሰብረው ገብተው ጉዳት ማድረሳቸውን ይናገራሉ። ከቤተክርስቲያኑ አልፈው ሰሞኑን በተደጋጋሚ የእምነቱ ተከታይ በሆኑ የኦሮሞ ተወላጆች ላይ ዛቻ ሲሰነዝር የቆየው ይሄው ቡድን በነሱ ላይም ጥቃት መሰንዘሩን ነው ምንጮቹ ያመለከቱት። በተለይ ሽመልስ አብዲስ የሚመራውን በወንጀለኞች የተሞላው ክልል ውስጥ የኢትዮጵያ ኦርቶዶክስ ተዋህዶ ቤተክርስቲያንና ምዕመናን ብሎም ካህናት ላይ የሚደርሰው ግፍ አሁም ተጠናክሮ መቀጠሉን ያነሳሉ።

የዚህ አካል የሆነው ወንጀል ደግሞ ትላንት ምሽትከናዝሬት 25 ኪ.ሜ ርቀት ላይ የሚገኘውንና በቀዳማዊ አጼ ኃይለ ሥላሴ ዘመነ መንግሥት በብፁዕ ወቅዱስ አቡነ ባስልዮስ የመጀመሪያው የኢትዮጵያ ፖትርያሪክ የተመሠረተው ቤተክርስቲያን ላይ ተፈጽሟል ይላሉ። በቀላሉ የቤተክርስቲያኑ በር መስበር ያልቻለውና ቁጥሩ ከ50 በላይ የሚሆነው የወንጀለኞች ስብስብ በሩን ሰብሮ መግባቱንና በውስጥ የነበሩ የቤተክርስቲያኗን ንብረቶች ማውደሙን አመልክተዋል። ግንቦት ላይ ቅዱስ ሲኖዶሱን ለመቆጣጠ እቅዱን ሰርቶ የጨረሰው የአብይ አህመድና የነሽመልስ አብዲሳ ስብስብ አስቀድሞ አብያተ ክርስቲያናትን ማውደምና ምእመናኑን እንዲሁም ካህናቱን ማሰቃየቱን ቀጥሏል ሲሉ የኢትዮ 360 ምንጮች ተናግረዋል።