ግንቦት 10/2015 በአፋር ክልል በሰሜኑ ጦርነት ጉዳት የደረሰባቸው ወገኖች ለከፋ ረሃብ ተዳርገዋል።

በአፋር ክልል በሰሜኑ ጦርነት ጉዳት የደረሰባቸውንና ከቤት ንብረታቸው የተፈናቀሉ ወገኖችን የሚረዳቸው አካል በመጥፋቱ ለከፋ ረሃብ መዳረጋቸውን የኢትዮ 360 ምንጮች ገለጹ።

በተለይ ራሱንና ቤተሰቡን በሃብት እያደላደለ ያለው የአወል አርባ አስተዳደር በረሃብ እየተገረፉ ያሉ ዜጎችን መመልከት አለመቻሉ ችግሩን አክፍቶታል ይላሉ።

ሙሉ በሙሉ የአፋር ህዝብ በሚባል ደረጃ አሁን ላይ ለከፋ ችግር ተዳርጓል ሲሉ ምንጮቹ ይናገራሉ።

ህዝቡ በዚህ ሁሉ መከራ ውስጥ ሆኖ ግን የወል አርባ ለህጻን ልጁ ስም ሳይቀር ትልልቅ ህንጻዎችን እየገነባ መሆኑን ነው ጨመረው ያመለከቱት።

ተመልካች ያጣው የአፋር ህዝብ አካባቢውን ለቆ ለመሰደድ በሚያደርገው ሙከራም ህይወቱን እያጣ መሆኑን ይናገራሉ።

ለዚህ ደግሞ ሰሞኑን በአፋር ኤሊዳአር ከተማ ቁጥራቸው ወደ 300 የሚሆኑ የአፋር ወጣቶችን የጫነና ከሃገር ሊወጣ የተዘጋጀ ተሽከርካሪ ተገልብጦ በቁጥር በትክክል ያልታወቁ በርካታ ወጣቶች ህይወታቸው ማለፉንና ጉዳት እንደደረሰባቸው ምንጮቹ ገልጸዋል።

ነገር ግን ይሄ ሁሉ ጉዳት መድረሱና የንጹሃን ህይወት ማለፉ እየታወቀ አንድም አካል ግን ስለጉዳዩ ማንሳት አለፍለገም ሲሉ የኢትዮ 360 ምንጮች ገልጸዋል።