መስከረም 17/2016 በኢትዮጵያ አየር መንገድ የአማራ ተወላጅ የሆኑ ሰራተኞች እየታደኑና እየታፈኑ መሆኑን ሰራተኞቹ ገለጹ።

በኢትዮጵያ አየር መንገድ የአማራ ተወላጅ የሆኑ ሰራተኞች እየታደኑና እየታፈኑ መሆኑን ሰራተኞቹ ገለጹ።

ሰራተኞቹ እየታፈኑ ያሉት ደግሞ በውስጥ በተሰገሰጉ የሰው በላው ስርአት ሃይሎች ጥቆማ ሰጭነት መሆኑን ለኢትዮ 360 በላኩት መረጃ ላይ አስፍረዋል።

ከዚህ በፊት ይሄው ተመሳሳይ ድርጊት የትግራይ ተወላጅ በሆኑ የአየር መንገዱ ሰራተኞች ላይ በተመሳሳይ ሲፈጸም እንደነበርም አስታውሰዋል።

አሁን ላይ አፈና እየካተሄደባቸው ያሉ አየርመንገዱ ሰራተኞች ደግሞ በተለያዩ የሙያ መስኮች የተሰማሩ መሆናቸውንም ጠቁመዋል።

ከታፈኑት መካከል የደህንነት አገልግሎት፣የአውሮፕላን ጥገና የሒሳብ ክፍል ሰራተኞችና ሌሎች ባለሙያዎች መሆናቸውንም ሳይጠቁሙ አላለፉም።

ለማሳያነት እነዚህ ክፍሎች ይጥሩ እንጂ አፈናው እየተካሄደ ያለው ግን በሁሉ የአየር መንገዱ ክፍል ውስጥ መሆኑን ይናገራሉ።

ለዚህ ደግሞ ዋናው አሳፋኙ እና አሳሳሪው እንግልት እንዲፈፀም የሚያደርገው ባለጊዜው በአየርመንገዱ ውስጥ የCorporate Security Service director ሀላፊ ተደርጎ የተሾመ ሒርፓ አዱኛ መሆኑን በግልጽ አስቀምጠዋል።

ባለፉት ቀናት ብቻ የደህንነት ምርመራ ባልደረቦች የሆኑት አበራ ተገኔና የኔሰው አረጋ እንዲሁም የደህንነት ምርመራ ክፍል በሃላፊነት የሚሰሩት አለበል ሁነኛውና አቤል አላምረው መሆናቸውን ያነሳሉ።

የደህንነት መርመራ ስራ አስኪያጅ ፋሲካ ተስፋውና የደህንነት ምርመራ የቡድን መሪ መስፍን ዮሐንስና ሌሎች ከታፈኑት መካከል መሆናቸውንም ለኢትዮ 360 በላኩት መረጃ ላይ አስፍረዋል።